ભારત કયા ત્રિભેટે ઊભો છે એ સમજાતું નથી

 

જેને જે બોલવું હોય તેની છૂટ છે છતાં બેફામ બોલનારા કહે છે ભારતમાં લોકશાહી  નથી. તહેવારોની શોભાયાત્રા પર પથ્થરમારો અને છૂરાબાજી કરનારા ટીવી પર આવીને કહે છેઃ અમને ડર લાગે છે!

 અલકેશ પટેલ / સ્વર્ણિમ ભારત

દેશ કોઇક ભયાનક ત્રિભેટે આવીને ઊભો હોય એવું લાગે છે. તમામ નાગરિકો લોકશાહીનો અમર્યાદ લાભ અથવા ગેરલાભ ઉઠાવી રહ્યા છે અને છતાં કોંગ્રેસીઓ અને ડાબેરીઓ ગળાં ફાડીફાડીને એ વાતનું રટણ કર્યા કરે છે કે દેશમાં લોકશાહી જોખમમાં છે. 1975માં કટોકટી લાદનાર ઈન્દિરા ગાંધીના પૌત્ર રાહુલ ગાંધી તો વળી એનાથી પણ આગળ વધીને વિદેશની ધરતી ઉપર જઇને લોકશાહીના નામે છાજિયાં લે છે. કોંગ્રેસ અદાલતની લડાઈ કાનૂની રીતે નહીં પરંતુ રાજકીય રીતે લડીને સ્પષ્ટપણે ન્યાયતંત્ર, પોલીસતંત્ર, વહીવટીતંત્ર તેમજ મીડિયાને પોતાની તરફેણમાં કરવા મથે છે. સંસદભવન જેવા પવિત્ર સ્થળે બૅનર લગાવીને કોંગ્રેસ કઈ લોકશાહીની વાત કરે છે એ સમજાતું નથી.

તો બીજી તરફ લગભગ દરેકે દરેક હિન્દુ તહેવારો સમયે હિન્દુઓ પર હુમલા થાય છે. ગુજરાતમાં નવરાત્રિ સમયે, ગુજરાત સહિત અન્ય રાજ્યોમાં રામનવમી સમયે, હનુમાન જયંતી સમયે પથ્થરમારો જાણે હવે કાયમી બની ગયો છે. દરેક તહેવાર પહેલાં અમુક વિસ્તારોમાં રહેતા હિન્દુઓને અને અમુક વિસ્તારમાંથી પસાર થવા માગતા હિન્દુઓને હંમેશાં પથ્થરમારાનો અથવા સ્ટેબિંગ થઈ જવાનો ડર રહેતો હોય છે. અને આઘાતજનક વાત એ છે કે આ રીતે સૌને ડરાવનારા લોકો ટીવી પર આવીને પોતાને જ ડરેલી પ્રજા ગણાવે છે? વળી આ પ્રજાને પશ્ચિમ બંગાળમાં મમતાબાનુનો, તમિલનાડુમાં સ્ટાલિનનો, તેલંગણામાં કેસીઆરનો, કેરળમાં ડાબેરી ગેંગનો ટેકો પણ મળી રહે છે! આ દરેકના પ્રવક્તા રોજેરોજ લઘુમતી ખુશામતનો જાણે દુનિયાનો સર્વોચ્ચ પુરસ્કાર લેવાનો હોય એ રીતે એમના બચાવમાં ઊતરી પડે છે. જેહાદી માનસિકતાનો કોણ વધારે બચાવ કરી શકે છે એની જાણે એક પ્રકારે સ્પર્ધા જામી છે. આ શ્રેણીમાં સ્થાન મેળવવા મીડિયાના બદમાશ પત્રકારો, તંત્રીઓ, લેખકો અને રાજકીય વિશ્લેષકો પણ પાછળ રહેવા નથી માગતા.

તો ત્રીજી તરફ કેજરીવાલ નામનું તળિયા વિનાનું પ્રાણી એના પોતાનાં અને તેની ટોળકીનાં પાપ સંતાડવા નિતનવાં ગતકડાં કરે છે. ભૂતકાળમાં રાજકારણીઓ ઉપર જાહેરમાં આક્ષેપો કરીને બદનક્ષીના દાવામાં ફસાઈ ચૂકેલા દિલ્હીના આ નટવરલાલ હવે નવું શીખ્યા છે. નરેન્દ્ર મોદી વિરુદ્ધ બેફામ બોલવા માટે કેજરી-લાલ દિલ્હી વિધાનસભા ગૃહનો ઉપયોગ કરે છે. એ જાણે છે કે વિધાનસભા ગૃહ અથવા સંસદની અંદર જે કંઈ બોલવામાં આવે તેની સામે બદનક્ષી સહિત કોઈ કેસ થઈ શકતા નથી. આમછતાં આ તળિયા વિનાના નટવરલાલને કમતિ સૂઝી અને તેણે નરેન્દ્ર મોદીની ડિગ્રી અંગે ગુજરાત હાઇકોર્ટમાં કેસ દાખલ કર્યો હતો. ગુજરાત હાઇકોર્ટે શુક્રવારે જ (31-3-23) ફેકરીવાલની અરજી ફગાવી દીધી એટલું જ નહીં પરંતુ તેને આવી બેહૂદી અરજી દાખલ કરવા બદલ રૂપિયા 25,000 નો દંડ પણ કર્યો. ફેકરીવાલના હવે વળતા પાણી છે. એકાએક હવામાં ઉડેલો ફુગ્ગો ગમેત્યારે ફૂટી જવાનો છે એમાં શંકા રાખવાની જરૂર નથી. હકીકતે એના વિશે વાત કરીને અહીં અખબારની આટલી મોંઘી જગ્યા બગાડવી એ પણ યોગ્ય નથી.

આ તરફ ભાજપમાં પણ કંઈ બધાં સારાંવાનાં નથી. કર્ણાટકમાં ભાજપના એક ધારાસભ્યના પુત્રને ત્યાંથી કરોડોની બેનામી રકમ પકડાઈ છે. કર્ણાટકની બસવરાજ બોમ્મઈની સરકાર ઉપર ભ્રષ્ટાચારના આક્ષેપ થઈ રહ્યા છે. ભાજપની બીજા કોઈ રાજ્યની સરકાર ઉપર ભ્રષ્ટાચારના આવા આક્ષેપ નથી. પણ કર્ણાટકમાંથી આ બાબતે આવતા વાવડ સારા નથી જ. તો હમણાં ત્રણેક દિવસ પહેલાં ત્રિપુરા વિધાનસભામાંથી અત્યંત શરમજનક સમાચાર આવ્યા. ભાજપના એક ધારાસભ્ય વિધાનસભાની ચાલુ કાર્યવાહી દરમિયાન પોતાના મોબાઇલમાં પોર્ન વીડિયો જોતા હોવાનો એક વીડિયો વાયરલ થયો. ત્રિપુરામાં હજુ ગયા મહિને (અર્થાત માર્ચમાં) જ નવી સરકારની રચના થઈ છે અને ભાજપના એક ધારાસભ્યે પક્ષને કાળી ટીલી લગાવી દીધી છે. અલબત્ત, ભાજપ જેવા સૌથી વિશાળ રાજકીય પક્ષના સંદર્ભમાં આવા એકલ-દોકલ કિસ્સા નગણ્ય ગણી શકાય, તેમછતાં ટુણિયાટ વિપક્ષી રાજકારણીઓ અને વેંતિયા મીડિયાને મુદ્દો મળી ગયો છે તેનો ઇનકાર થઈ શકે નહીં.

વિપક્ષોના આ તમામ પ્રકારના હવાતિયાંથી એટલું સ્પષ્ટ છે કે લોકસભાની 2024ની ચૂંટણી સુધીમાં દેશનું વાતાવરણ અસાધારણ રીતે કલુષિત થશે. સામાન્ય નાગરિકોને પણ ભાજપ અને નરેન્દ્ર મોદી ઉપર શંકા થવા લાગે એ હદે આક્ષેપબાજી અને આંદોલનો થઈ રહ્યાં છે. ચૂંટણીના મેદાનમાં નરેન્દ્ર મોદીને હરાવી શકવા સમર્થ નથી એવા તમામ લોકો દેશની બંધારણીય સંસ્થાઓ ઉપર બેફામ આક્ષેપબાજી કરીને વાતાવરણ ડહોળી રહ્યા છે.

દેશની જે પ્રજા ક્રિટિકલ એનાલિસીસ કરવા સમર્થ નથી તેઓ આ તમામ સ્થિતિથી ગુંચવાડો અનુભવે એ સ્વાભાવિક છે. અને એટલે જ દેશ હાલ અનિશ્ચિતતાના ત્રિભેટે હોય એવું લાગે છે. ક્યારે કઈ દિશા પકડાશે એ નિશ્ચિત નથી. શું તમને કોઈ સ્પષ્ટ દિશા કે માર્ગ દેખાય છે? વિચારો, ત્યાં સુધી...મિલતે હૈ બ્રેક કે બાદ!

બસ, હવે તો નરેન્દ્ર મોદી ગયા...

 

બસ, હવે તો નરેન્દ્ર મોદી ગયા...

 

      અલકેશ પટેલ

 

29 એપ્રિલને ગુરુવારે એક અંગ્રેજી સમાચાર ચૅનલ ઉપર પાંચ વિધાનસભા ચૂંટણીના એક્ઝિટ પોલની ચર્ચા ચાલતી હતી. ચર્ચામાં જેએનયુના એક રાષ્ટ્રવાદી પ્રોફેસર ડૉ. આનંદ રંગનાથન પણ હતા. એમણે એક સરસ (આમ તો દુઃખદ) વાત કરી હતી કે, આગામી સમયમાં ત્રણ જગ્યાએ ડાબેરીઓ અથવા ડાબેરી વિચારધારા ધરાવતા લોકો બચ્યા હશે (1) કેરળ (2) જેએનયુ અને (3) મીડિયા. તાત્વિક દૃષ્ટિએ એમની વાત સાચી છે, પરંતુ સંપૂર્ણ સાચી નથી કેમ કે જેએનયુમાંથી નીકળતા હિંસાખોર માનસિકતાના ડાબેરીઓ પત્રકારત્વની કૉલેજો સહિત અન્ય શૈક્ષણિક સંસ્થાઓમાં ભરાતા રહેશે અને વિદ્યાર્થીઓનું માનસ દુષિત કરતા રહેશે.

ખેર, આજે મુદ્દો એ નથી.

આજે મુદ્દો રસીકરણ છે.

મુદ્દો નરેન્દ્ર મોદી છે.

હિંસાખોર ડાબેરીઓ અને તેમની ટુકડેગેંગ તેમજ કોંગ્રેસ પક્ષ દ્વારા મીડિયા, સોશિયલ મીડિયા, આંતરરાષ્ટ્રીય મીડિયામાં જે જૂઠાણા અને અપપ્રચારનો મારો ચલાવવામાં આવી રહ્યો છે તેને કારણે હિંસાખોર ડાબેરીઓ તેમજ કોંગ્રેસની આખી રમતને સમજી નહીં શકતા અનેક રાષ્ટ્રવાદી નાગરિકો ચિંતામાં છે. જૂઠાણા અને અપપ્રચારને કારણે આ નાગરિકો એવું માનવા લાગ્યા છે કે, બસ હવે તો નરેન્દ્ર મોદી ગયા.

અને એટલે જ આ લેખ હું એવા રાષ્ટ્રવાદી નાગરિકો માટે લખી રહ્યો છું જે ચિંતત છે કે, કોરોનાની આ ગંભીર સ્થિતિને કારણે, તથા ઑક્સિજનના વિવાદને કારણે તથા રસીકરણના વિવાદને કારણે શું નરેન્દ્ર મોદી સરકારને કંઈ વાંધો આવશે?

રાષ્ટ્રવાદી નાગરિકોને આવી ચિંતા થાય એ સ્વાભાવિક છે, કેમ કે તેઓ દાદરી ઘટનાથી શરૂ કરીને રોહિત વેમુલા, નોટબંધી, જીએસટી, સીએએ, કલમ-370, ડોકલામ (2017) અને લદાખ (2020), શાહીનબાગ, ખેડૂત આંદોલન- જેવા અગણિત બનાવો અને ઘટનાઓમાં નરેન્દ્ર મોદીની નેતૃત્વ ક્ષમતાને બારીકાઈથી જોઈ નથી.

સાથે સમાચાર ચૅનલો, અખબારો, વેબપોર્ટલ સહિત અનેક મીડિયા હાઉસના દેખીતા દેશ-વિરોધી વલણથી પણ અનેક-અનેક ભારતીય નાગરિકો ચિંતિત છે. આ નાગરિકો બહુ સારી રીતે જાણે છે કે આ બધા મીડિયા હાઉસનું વલણ દેશ-વિરોધી શા માટે છે. છતાં, ગોબેલ્સના ડીએનએમાંથી વર્ણસંકર પ્રજાતિ તરીકે પેદા થયેલા વંશજો એવા મીડિયાવાળા રાત-દિવસ જૂઠાણા ચલાવ્યા કરે છે એને કારણે રાષ્ટ્રવાદી ભારતીયો દબાણમાં આવી રહ્યા છે.

ચિંતાનું કારણ તો છે જ.

પણ પ્રિય રાષ્ટ્રવાદી નાગરિકો! તમને એક જ ઉદાહરણ આપું જેના આધારે તમારી તમામ ચિંતા પળવારમાં અદૃશ્ય થઈ જશે.

નરેન્દ્ર મોદી સત્તા ઉપર આવ્યા ત્યારે તેમણે “કોંગ્રેસ-મુક્ત ભારત”નું સૂત્ર આપ્યું હતું. તેમનું વિઝન સ્પષ્ટ હતું કે, કોંગ્રેસી માનસિકતાથી મુક્ત હોય એવું ભારત. તેનો અર્થ શો? એનો અર્થ એ જ કે, ભ્રષ્ટાચાર, સગાવાદ, લઘુમતી તુષ્ટિકરણ, લાલચ, લેતી-દેતી, દાદાગીરી, ધાકધમકી, સમાજમાં ભાગલા, ડાબેરી ત્રાસવાદ, જેહાદી આતંકવાદ – આ બધામાંથી મુક્તિ.

પ્રિય રાષ્ટ્રવાદી નાગરિકો! યાદ રાખો કે, કોંગ્રેસ પક્ષ એ મૂળભૂત રીતે અંગ્રેજોએ તે સમયના સ્વતંત્રતા ઇચ્છતા રાષ્ટ્રવાદી ભારતીયોને મુર્ખ બનાવવા અને છેતરવા માટે ઊભો કરેલો પક્ષ હતો. તેમાં ડાબેરીઓ પણ હતા, મુસ્લિમો પણ હતા. મિશનરી ખ્રિસ્તીઓ તો હોય જ, કેમ કે કોંગ્રેસનો સ્થાપક એક અંગ્રેજ હતો.

નરેન્દ્ર મોદીએ “કોંગ્રેસ-મુક્ત ભારત”નું સૂત્ર આપીને આ તમામ રાષ્ટ્ર-વિરોધી પરિબળોને પડકાર આપ્યો. પ્રજાને તેમની વાત સમજાઈ એટલે ઘણા બધા રાજ્યોમાં અને કેન્દ્રમાં બે-બે વખત પૂર્ણ બહુમતી સાથે મોદીને સત્તા સોંપી. આનું પરિણામ એ આવ્યું કે, કોંગ્રેસ અને તેની તમામ ઇકો-સિસ્ટમ અર્થાત ડાબેરીઓ, જેહાદીઓ, મિશનરીઓ અને હા મીડિયાના ખરાબ દિવસો આવ્યા. ભ્રષ્ટાચાર ઘટી ગયો, સગાવાદ કામ નથી આવતો, બોંબ ધડાકા કરી નથી શકાતા, ખુલ્લેઆમ ધર્માંતર થઈ નથી શકતા અને મીડિયાના બિલ્લાના જોરે ભલામણો કરી નથી શકાતી, જમીન-મકાન મેળવી નથી શકાતા. આ બધું બહું કઠે છે- સમગ્ર કોંગ્રેસી ઇકો-સિસ્ટમને.

પરિણામે પહેલા રાહુલ ગાંધીએ, ત્યારબાદ કેજરીવાલે અને છેવટે મમતા બેનરજીએ પણ મંદિરોમાં ચક્કરો લગાવવાનું શરૂ કર્યું. જે રાહુલ ગાંધીએ જાહેરમાં નિવેદન કર્યું હતું કે, મંદિરોમાં જનારા લોકો બળાત્કાર કરે છે એ પોતે છેલ્લા થોડાં વર્ષથી ધોતિયાં પહેરી મંદિરોમાં આંટા મારે છે, જે કેજરીના પક્ષમાં પચાસ ટકા કરતાં વધુ જેહાદીઓ ભરેલા છે એ પોતે હવે હનુમાન ચાલીસા ગાય છે, અને જે મમતા બેનરજીના શાસન દરમિયાન દુર્ગાપૂજા બાદ વિસર્જન કરવા માટે પરવાનગી લેવી પડતી હતી, કલકત્તા હાઇકોર્ટમાં દુર્ગાપૂજા માટે પરવાનગી મેળવવા અરજી દાખલ કરવી પડતી હતી એ મમતાબેન પોતે છેલ્લી ચૂંટણીમાં મંદિર-મંદિર ફરતા થઈ ગયા.

રાષ્ટ્રવાદી નાગરિકો, આ બધું તમારાથી અજાણ્યું નથી. તમે જાણો જ છો. પણ મુખ્ય વાત હવે કહેવા માગું છું.

તમને જે બરખાઓ અને રવિશો અને એનડીટીવીઓ ભરમાવી રહ્યા છે, જેની અસરમાં આવીને તમે માનવા લાગ્યા છો કે...બસ હવે નરેન્દ્ર મોદી ગયા...તો સાથીઓ આ બધા એજન્ડા-ધારી મીડિયાને એમની હેસિયત બતાવવાનું તમારા જ હાથમાં છે. જે રીતે તમે કોંગ્રેસ-આણી સમગ્ર ઇકો-સિસ્ટમને ઘૂંટણીએ પાડી દીધી એ જ રીતે એજન્ડા-ધારી મીડિયાને પણ અરીસો બતાવી શકાય...એ માટેના રસ્તા તમને ખબર છે, ખરુંને?!

પણ હા, એટલું નિશ્ચિત માનીને શાંતિ જાળવો કે, આ ઉપર કહી એ બધી તાકતો નરેન્દ્ર મોદીને ત્યાં સુધી હરાવી કે હટાવી નહીં શકે જ્યાં સુધી તમે મજબૂત અને મક્કમ બનીને મોદીની સાથે રહેશો. મીડિયા અને સોશિયલ મીડિયાના અપ-પ્રચારથી પ્રભાવિત થશો નહીં, પણ એ બધાને ઘૂંટણીએ પાડવાના રસ્તા અપનાવો...એ રસ્તા અપનાવશો ત્યારે સોનાના સૂરજ આડે ઊડેલી ધૂળ આપોઆપ દૂર થઈ જશે. જય હો.

18મી સદીનાં ધર્મનિષ્ઠ-લોકપ્રિય શાસક અહલ્યાબાઈ હોલ્કર

18મી સદીનાં ધર્મનિષ્ઠ-લોકપ્રિય શાસક અહલ્યાબાઈ હોલ્કર

--- બ્રાહ્મણવાદી પિતૃસત્તાક દેશ તરીકે સતત બદનામ કરવામાં આવતા આ મહાન ભારતવર્ષમાં મોટી સંખ્યામાં એવાં મહિલા શાસકો પણ થઈ ગયાં છે જેમણે જેમણે વિદેશી ઘૂસણખોરો સામે ઝીંક ઝીલી હતી. બ્રેકિંગ ઈન્ડિયાના કાવતરાબાજો દ્વારા હાંસિયામાં ધકેલી દેવાયેલું આવું જ એક પાત્ર છે – અહલ્યાબાઈ હોલ્કર

http://newsaayog.com/2020/01/14/analysis-by-alkesh-patel-18th-century-religious-popular-ruler-ahlyabai-holkar/?fbclid=IwAR2zDlSSP8Jthd98I2RN2zNy68Ej0e_bKXRT9v0fwaqlSyW-4aU_eiVhdRI

-- અલકેશ પટેલ

ભારતમાં હાલ તમે જેટલાં પણ પ્રાચીન ઐતિહાસિક મંદિરની મુલાકાત લો છો, અથવા લઈ શકો છો તેમાંના મોટાભાગનાં મંદિરના પુનરોદ્ધારના કામમાં એક મહિલા શાસકની ખૂબ મોટી ભૂમિકા છે, પરંતુ તેમનાં અને સાથે સાથે આપણા સૌના કમનસીબે ભારતના નાગરિકોને ભાગ્યે જ કશી ખબર છે. ભારતના વિદ્યાર્થીઓ રાણી એલિઝાબેથ, રાણી વિક્ટોરિયા અને એમના જેવી બીજી વિદેશી મહિલા શાસકો વિશે હોંશે હોંશે ભણતા રહે છે, શિક્ષકો ભણાવતા રહે છે...પરંતુ અહલ્યાબાઈ હોલ્કર વિશે પૂછવામાં આવે તો વિદ્યાર્થીઓ અને શિક્ષકોના ચહેરા ઉપર મોટું પ્રશ્નાર્થ ચિહ્ન આવી જાય છે – અહલ્યાબાઈ હોલ્કર? એ કોણ?

1725ની 31 મેએ જન્મેલાં અહલ્યાબાઈ માત્ર આઠ વર્ષનાં હતાં ત્યારે જ તેમની રાષ્ટ્રભાવના, ધર્મભાવના તથા બુદ્ધિચાતુર્યથી પ્રભાવિત થઈને તે સમયના ઇન્દોરના શાસક મલ્હારરાવ હોલ્કરે તેમના પુત્ર ખંડેરાવ સાથે લગ્ન કરાવ્યા હતા. એક સામાન્ય પરિવારમાંથી નાની ઉંમરે જ સીધાં રાજવી પરિવારમાં આવી પહોંચેલાં અહલ્યાબાઈ શિક્ષણ મેળવીને પણ લોકપ્રિય થયાં હતાં કેમ કે 250 વર્ષ પહેલાંના ભારતના એ સમાજમાં સ્ત્રી-સશક્તિકરણ તો હતું, પરંતુ શિક્ષણનું પ્રમાણ ઓછું હતું. તેઓ હજુ માંડ 29 વર્ષનાં હતાં ત્યારે જ તેમના પતિ ખંડેરાવ હોલ્કર કુંમ્હેર (રાજસ્થાન)ના એક યુદ્ધમાં શહીદ થયા હતા. ત્યારબાદ સસરા તેમજ પોતાના પુત્રને ગુમાવી ચૂકેલાં અહલ્યાબાઈના માથે સત્તા સંભાળવાની જવાબદારી આવી, જે તેમણે 1767થી 1795માં અવસાન પામ્યાં ત્યાં સુધી ખૂબ કુશળતા અને સફળતાપૂર્વક નિભાવી.

અહલ્યાબાઈએ કુશળ શાસનની સાથે જે સૌથી અગત્યની કામગીરી કરી તે દેશભરમાં અનેક મંદિરોનો પુનરોદ્ધાર કરવાની હતી. સનાતન ધર્મના કેન્દ્ર સમા વારાણસીમાં હાલ જે કાશીવિશ્વનાથ મંદિર છે તેનાથી શરૂ કરીને ગુજરાતના સોમનાથ મંદિર, દ્વારકા મંદિર, દક્ષિણ ભારતનાં મંદિરો સહિત દેશના મોટી સંખ્યામાં મુખ્ય મંદિરોનો પુનરોદ્ધાર કર્યો હતો. આવા તમામ મંદિરો મોંગોલિયન તેમજ ઇસ્લામિક આક્રમણખોરોએ નષ્ટ કર્યાં હતાં. કમનસીબે એ આક્રમણખોરોને ભારતના ઇતિહાસમાં “મહાન” જેવાં વિશેષણ આપી દેવામાં આવ્યા અને તેમણે નષ્ટ કરેલાં મંદિરોનો પુનરોદ્ધાર કરનાર અહલ્યાબાઈ હોલ્કર જેવાં ધર્મનિષ્ઠ શાસકોને હાંસિયામાં ધકેલી દેવામાં આવ્યાં.

ચિરકાળ સુધી અમર રહે એવાં અનેક ઐતિહાસિક પાત્રોને સાચા ઇતિહાસના પાનાંમાંથી બહાર જ નથી આવવા દેવાયાં. અને તેનું કારણ પણ હવે તો અજાણ્યું રહ્યું નથી. દેશ વિરોધી તેમજ ડાબેરી માનસિકતા ધરાવતા તત્વો દ્વારા સ્વતંત્રતાના પ્રારંભિક સમયમાં રાષ્ટ્રવાદને વરેલા નાયકોને ઇતિહાસના પાનાંમાંથી ભૂંસીને દૂર કરી દેવામાં આવ્યા અને તેમના સ્થાને ઘૂસણખોર અને મંદિરો તોડનારા તત્વોને મહાન બતાવીને સ્થાન આપી દેવામાં આવ્યું અને તેમના વિશે ભણવામાં અને ભણાવવામાં આવા રહ્યું છે!

1767થી 1795 સુધી માલવા-મહેશ્વર-ઇન્દોરમાં અત્યંત લોકપ્રિય અને ન્યાયપૂર્ણ શાસન કરનાર અહલ્યાબાઈ હોલ્કરના પ્રદાનની યાદી બનાવવામાં આવે અહીં જગ્યા ઓછી પડે. પરંતુ આજે આપણે તેમના વિશે થોડી પ્રાથમિક માહિતી જ મેળવીશું અને પછી તેમના વિશે વધુને વધુ જાણકારી મેળવતા રહીશું.

(માહિતી સ્રોતઃ https://swarajyamag.com/culture/why-we-must-cherish-the-legacy-of-devi-ahilyabai-holkar

તથા

https://www.newworldencyclopedia.org/entry/Ahilyabai_Holkar)

“આઝાદી”નો રોગ વકરી જાય એ પહેલાં જાગી જઇએ

“આઝાદી”નો રોગ વકરી જાય એ પહેલાં જાગી જઇએ

n  અર્બન નક્સલીઓ તેમજ જેહાદીઓના રવાડે ચડેલી આઝાદી ગેંગ ભારતીયતાને પડકારી રહી છે. 19મી સદીમાં કાર્લ માર્ક્સ નામના એક જંતુને ઊગતો ડામી ન દેવાયો એનાં અતિશય માઠાં પરિણામ આખી દુનિયા આજે ભોગવી રહી છે. ભારતીયો માટે સમય છેઃ આ જંતુના વાયરસને ઓળખીને જાગી જાવ... આસુરી માનસિકતા માથું ઊંચકી રહી છે, દૈવી શક્તિઓએ મેદાનમાં આવવું જ પડશે...ભારત મંથન કરવું જ પડશે...

--- અલકેશ પટેલ

આમ તો હું એક વાત વારંવાર કહી ચૂક્યો છું કે, અર્બન નક્સલવાદીઓની બનેલી ટૂકડે ગેંગ કદમાં મોટી નથી, જ્ઞાનમાં પણ મોટી નથી જ, પરંતુ દેશના કમનસીબે એ ગેંગ સંગઠિત છે – અને એટલે જ એ ગેંગ, ખાસ કરીને 2014થી આ દેશને વારંવાર અશાંતિ તરફ ધકેલી રહી છે. બીજા શબ્દોમાં એમ પણ કહી શકાય કે, રાષ્ટ્રવાદી અને સનાતન ધર્મીઓ સંગઠિત નથી, એકબીજાના પગ ખેંચવામાં વ્યસ્ત છે એ કારણે પણ આ ટૂકડે ગેંગ અશાંતિ ઊભી કરવામાં સફળ થાય છે. પણ એ ગેંગનો ઇરાદો સફળ ન જ થવા દેવાય. આપણે પણ સંગઠિત તો થવું જ પડે, ટૂકડે ગેંગને એની મર્યાદામાં રાખવી જ પડે.

“અમે શું કરી શકીએ?” “આપણે શું કરી શકીએ?” “ભલે, મરશે મૂંઆ-એમના કર્યા ભોગવશે”... આવા નિવેદનો કરવાનું આપણે હવે બંધ કરવું પડશે કેમ કે આઝાદીના નામે, લોકશાહીના નામે ચાલી રહેલો ખેલ હકીકતે એક એવો મહારોગ છે જે આગળ જતાં દેશને બીજા અફઘાનિસ્તાન, બીજા પાકિસ્તાન, બીજા બાંગ્લાદેશમાં પરિવર્તિત કરી દેશે. આ કંઈ તુક્કાબાજીથી તમને ડરાવતો નથી, પણ દુનિયાના ઇતિહાસ અને ભૂગોળ અને તેમાં થયેલા રાજકીય અને વસ્તીલક્ષી પરિવર્તનની પૂરી જાણકારી પછી કહું છું.

તેની શરૂઆત કાર્લ માર્ક્સ નામના એક ઝેરી જીવાતથી થઈ હતી. એવું નથી કે આ ઝેરી જીવાત પહેલાં દુનિયા સ્વર્ગ સમાન હતી અને કોઇને કોઈ તકલીફ જ નહોતી. ના, એવું કહેવાનો આશય નથી, કેમ કે તકલીફ તો માર્ક્સવાદી કીડો ફેલાયો એ પહેલાં પણ હતી, પરંતુ બંને સમયગાળા વચ્ચે સૌથી મોટો તફાવત એ છે કે, એ કીડા પહેલાંની તકલીફ સ્થાનિક સ્તરે જ હતી. અર્થાત અમેરિકામાં ક્યાંક ક્યાંક કોઈ તકલીફ હોય તો એ અમેરિકા પૂરતી મર્યાદિત હતી. રશિયામાં ક્યાંક કોઈ તકલીફ હોય તો એ રશિયા પૂરતી મર્યાદિત હતી. ચીનમાં કોઈ તકલીફ હોય તો એ ચીનની સરહદોની અંદર મર્યાદિત હતી. એવી જ રીતે ભારતમાં જે કોઈ આંશિક તકલીફ હતી એ ભારત પૂરતી મર્યાદિત હતી. પરંતુ માર્ક્સવાદી કીડાનો વાયરસ ફેલાયો એ આખી દુનિયાને બરબાદ કરી રહ્યો છે.

આજથી બરાબર બે વર્ષ પહેલાં, જાન્યુઆરી 2018માં મેં જિજ્ઞેશ મેવાણીના સંદર્ભમાં મેં પાંચ (5) હપ્તાની શ્રેણી લખી હતી અને ડાબેરીઓ અને અર્બન નક્સલીઓ કોણ છે અને આપણી આસપાસ એ લોકો ક્યાં છે એ વિશે વિસ્તૃત માહિતી આપી હતી. (એમાંથી જે ઉપલબ્ધ છે એ લેખોની લિંક અહીં મૂકું છું –(1) http://mijaaj.com/gujarati/people-like-jignesh-mevani-can-save-a-society-or-country જિજ્ઞેશ મેવાણી જેવા લોકો કોઈ સમાજ કે દેશનો ઉદ્ધાર કરી શકે ખરા? (2) http://mijaaj.com/gujarati/jignesh-mehvani-there-is-no-person-it-is-a-subversive-mentality જિજ્ઞેશ મેવાણીઃ કોઈ વ્યક્તિ નથી, વિધ્વંસક માનસિક્તા છે (3) http://mijaaj.com/gujarati/who-is-jignesh-mevani-colleagues કોણ છે મેવાણીના સાથીદારો? ઓળખી લો બરાબર...(4) http://mijaaj.com/gujarati/a-scapegoat-has-arrived-in-gujarats-politics?seq=1 ગુજરાતના રાજકારણમાં બ્રેકિંગ ઈન્ડિયાનું એક પ્યાદું આવી પહોંચ્યું છે (5) http://mijaaj.com/gujarati/what-is-the-priority-of-mla-jignesh-mevani?seq=1 ‘ધારાસભ્ય’ જિજ્ઞેશ મેવાણીની પ્રાથમિક્તા શી હશે? --- તા.ક. આ તમામ લિંક હાલ સક્રિય છે કે નહીં એની મને જાણ નથી...છતાં અહીં આપું છું. જો આ લિંક નહીં ખૂલતી હોય તો પછી મૂળ લેખો મારી પાસે પડ્યા છે એ મારા બ્લૉગ ઉપર મૂકીને નવેસરથી લિંક શૅર કરીશ.)

તો મૂળ વાત એ છે કે, માર્ક્સવાદી વાયરસને કોઇપણ દેશની રાજકીય વ્યવસ્થા સામે વાંધો હોય છે. આ તત્વોને એક માત્ર ઇસ્લામ સિવાયના ધર્મો સામે વાંધો છે. ઇસ્લામ સામે વાંધો નથી એનું કારણ તમે સૌ સમજી શકો એમ છો, એમાં મારે કંઈ ખુલાસો કરવા પડે એમ નથી! અને અગાઉ કહ્યું એમ, આખી દુનિયાની તકલીફ જ ત્યાંથી શરૂ થઈ. શાંતિ અને સમાનતાના સિદ્ધાંત માટે શરૂ થયેલા ઇસ્લામિક સંપ્રદાયમાં આમ જોઇએ તો કોઈ વાંધો નથી. આપણી આસપાસ જે મુસ્લિમો છે એમને જોઇને કદી એવું લાગે જ નહીં કે આ સંપ્રદાયમાં હિંસક માનસિકતા ધરાવતા લોકો હશે, અર્થાત જેહાદમાં માનનારા લોકો પણ હશે. છતાં એવા લોકો છે એ હકીકત છે. મુશ્કેલી એ છે કે સારા-સમજદાર મુસ્લિમો હિંમત કરીને જેહાદી માનસિકતા ધરાવતા લોકોને અટકાવતા નથી, તેમને હિંસા છોડવા કહી શકતા નથી. આ જ સ્થિતિ માર્ક્સવાદી વાયરસ ધરાવતા ડાબેરીઓની છે. અને આ ડાબેરીઓ સૌથી વધારે જોખમી છે. એ કેવી રીતે? સમજદાર, શાંતિપ્રિય મુસ્લિમો જેહાદીઓને પ્રોત્સાહન નથી આપતા, પરંતુ આ ડાબેરીઓ, અર્બન નક્સલીઓ જેહાદીઓને પ્રોત્સાહન આપે છે. કદાચ પ્રોત્સાહન ન આપતા હોય તો પણ એ જેહાદીઓ ખોટા છે એવું કહેવાની હિંમત કરતા નથી. પરિણામ એ આવે છે કે અંતિમવાદીઓની હિંમત વધી જાય છે અને તેને કારણે જે તે સમાજ, જે તે શહેર, જે તે રાજ્ય અને જે તે દેશમાં અશાંતિ અને અજંપો વધી જાય છે.

માર્ક્સવાદી ડાબેરી વાયરસ ધરાવતા અર્બન નક્સલોના કરતુતોને કારણે તેમની સામે રાષ્ટ્રવાદીઓ પણ બેચેન બની જાય છે, તેઓ પણ ઉશ્કેરાય છે. એ ઉશ્કેરાટમાં કોઇ જેહાદીને નાનો સરખો ઘા પડે તો પણ ખૂબ મોટે મોટેથી “અન્યાય”ના રોદણાં શરૂ થઈ જાય છે. એ જેહાદી શસ્ત્રો ઉઠાવી લે અને ત્યારે પણ માર્ક્સવાદી વાયરસ ધરાવતા ડાબેરી અર્બન નક્સલીઓ તેને યોગ્ય ઠેરવવા પ્રયાસ કરતા હોય છે.

ટૂંકમાં, આ એક એવું વિષચક્ર છે જે માર્ક્સવાદી ઝેરી વાયરસને કારણે ઊભું થયું છે અને હવે દુનિયાને બચાવવી હશે તો આ વાયરસ ધરાવતા તત્વોને ઓળખીને એમને “આઇસોલેશન”માં નાખવા જ પડશે...પછી એ જે.એન.યુ.માં હોય કે આઈ.આઈ.એમ-અમદાવાદમાં હોય કે પછી એમ.એસ.યુનિવર્સિટી-વડોદરામાં હોય! આ વાયરસ ધરાવતા તત્વોને ઓળખવા જરાય અઘરા નથી. બસ, તમારે દરેકે, દરેક નાગરિકે જે રાષ્ટ્રની એકતામાં માને છે, જે સનાતન ધર્મની મહાનતામાં માને છે – તેમણે ડાબેરી વાયરસ ધરાવતા તત્વોને સવાલ પૂછવા પડશે, દેશ તોડવાની, સનાતન ધર્મને બદનામ કરવાની દિશામાં એ લોકો આગળ વધી રહ્યા હોય તો તમારે તેમની સામે દીવાલ બનીને ઊભા રહી જવું પડશે. યાદ રાખજો, માર્ક્સવાદી વાયરસનાં લક્ષણો ધરાવતા લોકો હિંસક છે, એ નક્સલો છે, અર્બન નક્સલો છે – એ તમને હિંસા માટે ઉશ્કેરશે અને તમને બદનામ કરશે, પણ તમારે હિંસા વિના તર્કથી અને મક્કમતાથી એમનો સામનો કરવાનો છે.

આ ડાબેરી અર્બન નક્સલોને તમારી સામે વ્યક્તિગત વાંધો નથી એનું કારણ તમને ખબર છે? એનું કારણ એ છે કે, સરેરાશ ભારતીય હિન્દુ ભોળો છે. સરેરાશ ભારતીય હિન્દુને માત્ર પોતાની વ્યક્તિગત અને પોતાના પરિવારની જ ચિંતા છે. અને એ કારણે સરેરાશ ભારતીય હિન્દુ સંગઠિત નથી. તેનો ગેરલાભ ડાબેરી અર્બન નક્સલીઓ જેહાદીઓને ઉશ્કેરીને ઉઠાવે છે. તમારે, એટલે કે દરેક સરેરાશ ભારતીય નાગરિકે જાગવું પડશે કેમ કે આગામી સમય હજુ પણ અઘરો આવવાનો છે. દેશની રાષ્ટ્રવાદી સરકાર અને રાષ્ટ્રવાદી નેતાઓ દેશને બચાવવા માટે, દેશને શિખર ઉપર લઈ જવા માટે પ્રયાસ કરી રહ્યા છે, અને તેથી એ જે પગલાં લેશે તેને કટ્ટર ડાબેરીઓ સહન નહીં કરી શકે. એ તત્વો હિંસા ભડકાવવા પ્રયાસ કરશે. જે.એન.યુ.માં બે દિવસ પહેલાં જેમ જાતે જ લાકડીઓથી હુમલા કરીને એ.બી.વી.પી.નું નામ આપ્યું અને હિન્દુત્વને બદનામ કરવાનો પ્રયાસ કર્યો એવું આગળ જતાં પણ કરશે. હિન્દુત્વવાદી પક્ષો અને હિન્દુત્વવાદી સંગઠનો ઉપર વિશ્વાસ તમારે જ રાખવાનો છે. તમને વિશ્વાસ હોવો જોઇએ કે એ.બી.વી.પી., ભાજપ, બજરંગ દળ કે બીજા આવા કોઈ સંગઠનના સાચા કાર્યકરો કદી મોં ઢાંકીને શૈક્ષણિક સંસ્થામાં આવા હુમલા ન કરે, એ તમને સૌને વિશ્વાસ હોવો જોઇએ, બલ્કે હું કહીશ કે વિશ્વાસ રાખજો જ.

વધારે લાંબું-પહોળું ન સમજી શકો અથવા ન વિચારી શકો તો... માત્ર એટલું તો અવશ્ય યાદ રાખજો કે નરેન્દ્ર મોદી દેશને ઊગારી લેવા મથે છે. એમણે વ્યક્તિગત રીતે કશું જ હાંસલ કરી લેવાનું નથી, અને એટલે જ દેશ માટે સમર્પિત થઈને 1000-1200 વર્ષથી જે કંઈ ખોટું થઈ રહ્યું હતું તેને આગળ વધતું અટકાવવા અને શક્ય હોય તો સુધારી લેવા પૂરી પ્રામાણિકતાથી મથી રહ્યા છે. એમને ટેકો નહીં આપો તો કશો વાંધો નહીં, પણ એમના ઇરાદા ઉપર શંકા ન કરશો. તમારી આજ સારી છે એટલે કોઈ ચિંતા નથી એવું વિચારી બેસી ન રહેશો...તમારી ભાવિ પેઢી પણ તમારી જેમ નિશ્ચિંત રહી શકે એ માટે દેશના વર્તમાન નેતૃત્વના પગલાં જ અસરકારક નિવડશે. તમારી ભાવિ પેઢી માટે લેવાઈ રહેલા એ પગલાં તમારા સમર્થન વિના શક્ય નથી.

CAA, NRC, વસ્તી નિયંત્રણ કાયદો, કૉમન સિવિલ કોડ આવા વિષયોની વિરુદ્ધમાં ફિલ્મી કલાકારો, અન્ય સેલિબ્રિટી, નાટકના કલાકારો, લેખકો, પ્રાધ્યાપક, પત્રકાર-તંત્રી કે પછી આવા કોઇપણ લેબલવાળા લોકો કશું બોલે તો સતર્ક થઈ જજો, એમના સમર્થનમાં નહીં પણ રાષ્ટ્રવાદી સરકારના સમર્થનમાં ઉતરી પડજો...તો ઊગરી જશો. બાકી રામ રામ.-અલકેશ પટેલ